Netanyahu Blinkeni qəbul edib

İsrailin baş naziri Benyamin Netanyahu ABŞ dövlət katibi Antoni Blinkeni Qüdsdəki ofisində qəbul edib. 

"Operativ Media" xəbər verir ki, bu barədə İsrail hökumətinin başçısının ofisi məlumat yayıb.

Məlumata görə, iclasda İsrail tərəfdən ölkənin strateji planlaşdırma naziri Ron Dermer və Milli Təhlükəsizlik Şurasının rəhbəri Tzaçi Haneqbi də iştirak edir.

Ofisdən bildirilib ki, görüşün sonunda İsrail və Amerika tərəfinin digər rəsmilərinin iştirakı ilə geniş müzakirələr aparılacaq.

Blinken iyunun 12-dək davam edəcək növbəti Yaxın Şərq turu çərçivəsində İsrailə gəlib. Günün birinci yarısında Misirdə olub, İsraildən sonra İordaniya və Qətərə səfər etməyi planlaşdırır. Bu ölkələrin hakimiyyət orqanları ilə təmasların əsas mövzusu Qəzza zolağında vəziyyətin həlli yollarının axtarışıdır.