Yəmən sahillərində qayığın çevrilməsi nəticəsində Afrika vətəndaşlarından ən azı 39 nəfər ölüb.

"Operativ Media" xəbər verir ki, bu barədə Beynəlxalq Miqrasiya Təşkilatı (IOM) və yerli hakimiyyət orqanlarının məlumatında əks olunub.

Sağ qalanlar xilasetmə qruplarına bildiriblər ki, 260 miqrantı daşıyan gəmi güclü külək nəticəsində batıb.

İtkin düşən 150 nəfərin axtarışları davam edir. Sağ qalan 71 nəfərə isə yardım edilib.

Məlumata görə, gəmidə olanlar əsasən Fars körfəzi ölkələrinə getmək üçün Yəməndən tranzit məntəqəsi kimi istifadə edən Efiopiyadan olan miqrantlardır.

​​​