Əli Baqiri Kani Səudiyyə Ərəbistanının XİN rəhbəri ilə görüşüb

İranın xarici işlər naziri vəzifəsini icra edən Əli Baqiri Kani Rusiyanın Nijni Novqorod şəhərinə səfərinin ikinci günündə Səudiyyə Ərəbistanının xarici işlər naziri Feysəl Bin Fərhan ilə görüşüb.

"Operativ Media" xəbər verir ki, bu görüş Rusiyada BRİKS xarici işlər nazirlərinin toplantısı çərçivəsində baş tutub.

Tərəflər ikitərəfli, regional və beynəlxalq məsələləri, eləcə də qarşılıqlı əməkdaşlığın genişləndirilməsi yollarını müzakirə ediblər.

İran və Səudiyyə Ərəbistanı arasında münasibətlər 13-cü hökumət dövründə və Ər-Riyadın Pekindən vasitəçilik istəməsindən sonra yenidən canlanıb.