Ermənistan polisi etirazçılara güc tətbiq edib, yaralılar var - YENİLƏNİB

Ermənistan polisi polisin qanuni tələbini yerinə yetirməyən 98 nəfəri saxlayıb. 

"Operativ Media" xəbər verir ki, bu barədə Ermənistan mətbuatına polisdən məlumat verilib. 

Qeyd edilib ki, hazırda 10 yaralı polis var. Etirazçılar arasında neçə nəfərin yaralandığı barədə məlumat verilməyib. 

***

21:41

Ermənistan parlamentinin binası yaxınlığında keçirilən aksiyaya müdaxilə etmək üçün polis səs bombalarından istifadə etməyə başlayıb.

"Operativ Media" xəbər verir ki, bu barədə Ermənistan mətbuatı yazır. 

Qeyd edilib ki, bu gün parlament binasının önünə toplaşan kütlə etiraz aksiyası keçirib. Hazırda polis etirazçıları parlament binasının ətrafından uzaqlaşdırmağa çalışır.
 Polisdən verilən məlumata görə, buna səbəb etirazçıların qanuni tələbləri aşması olub.