Stoltenberq: Çin Rusiya-Ukrayna müharibəsində əsas rol oynayır

Çinin yardımı Rusiyanın Ukraynaya qarşı müharibəsində əsas rol oynayır. Ötən il Rusiyanın idxal etdiyi mikroelektronikanın 90%-i Çindən gətirilib.

"Operativ Media" xəbər verir ki, bunu NATO-nun baş katibi Yens Stoltenberq Brüsseldə keçirilən mətbuat konfransında bildirib.

Baş katib müxtəlif növ silahların istehsalında elektron avadanlıqların əsas rol oynadığını vurğulayıb. Çin buna əsaslanaraq Rusiyaya Ukraynaya qarşı işğalçılıq müharibəsini davam etdirmək imkanı yaradır.

"Biz indi Çinin Rusiyanın Ukraynada müharibəsini təmin etməkdə və ya dəstəkləməkdə əsas rol oynadığını görürük. Ötən il Rusiyanın idxal etdiyi mikroelektronikanın 90%-i Çindən gəlib. Bunlar raketlərin, bombaların və silahların açar elementləri, elektronik alətləri, həmçinin Rusiyanın Ukraynaya qarşı aqressiv müharibəsində istifadə etdiyi döyüş tanklarıdır”, - Stoltenberq bildirib.