Ostin Kiyevə əlavə Patriot ötürülməsi ilə bağlı iddiaları təkzib edib

Vaşinqton administrasiyasının indi Kiyevə əlavə Patriot hava hücumundan müdafiə sistemlərinin təhvil verilməsi ilə bağlı məlumatı yoxdur.

"Operativ Media" xəbər verir ki, bunu ABŞ-nin müdafiə naziri Lloyd Ostin deyib.

"Bu gün Patriot batareyaları ilə bağlı elan edəcəyim heç nə yoxdur. Amma sizə deyə bilərəm ki, bununla bağlı işlərə davam edirəm və ukraynalı həmkarlarımla daim əlaqə saxlayıram. Və biz onların bu batareyaları çatdırmaq üçün lazımi imkanlara malik olmasını təmin etmək üçün mümkün olan hər şeyi edəcəyik" - o, Brüsseldə Ukraynaya silah və hərbi texnikanın tədarükünün koordinasiyası ilə məşğul olan Qərb qrupunun növbəti iclasının yekunlarına dair mətbuat konfransında deyib. 

Müdafiə naziri qeyd edib ki, ABŞ administrasiyasının əsas rəsmiləri uzun müddətdir ki, digər ölkələri Kiyevə əlavə sistemlər verməyə çağırırlar: "Bu, yalnız Patriot deyil, bu, NASAMS, SAMP/T-dir. Bunlar Ukraynanın ehtiyac duyduğu sistemlərdir və bu sistemlər üçün raket əleyhinə müdafiə sistemlərinə ehtiyacı var".