Rusiya və Ukraynanın ombudsmanlarının nümayəndələri görüşüblər

Rusiya və Ukrayna ombudsmanlarının nümayəndələri hərbi əsirlərin məktublarını bir-birinə çatdırmaq üçün iki dövlətin sərhədində görüşüblər. 

"Operativ Media" xəbər verir ki, bu barədə Rusiya Federasiyasının İnsan Hüquqları üzrə Müvəkkili Tatyana Moskalkova məlumat yayıb.

O bildirib ki, görüş iyunun 14-də Belqorod və Sumı vilayətlərinin sərhəddində baş tutub.

Ombudsman deyib: “Görüş zamanı Ukraynada əsirlikdə olan hərbi qulluqçularımız, onların qohumları və dostları ilə qarşılıqlı humanitar yardım tədbirləri çərçivəsində daha əvvəl baş çəkdiyimiz Ukraynanın həbsdə olan hərbçilərinin yaxınları ilə məktub mübadiləsi aparılıb".