7 oktyabr 2023-cü ildən bəri İordan çayının qərb sahilində 126-sı uşaq olmaqla 500-dən çox fələstinli həyatını itirib.

"Operativ Media" xəbər verir ki, bu barədə Ümumdünya Səhiyyə Təşkilatının (ÜST) bəyanatında deyilir.

“İsrail-Fələstin müharibəsi başlayandan bəri Şərqi Qüds də daxil olmaqla İordan çayının qərb sahilində şiddətin artması 7 oktyabr 2023-cü il və 10 iyun 2024-cü il tarixləri arasında 126-sı uşaq olmaqla, 521 fələstinlinin ölümü ilə nəticələnib”, - deyə bəyanatda bildirilir.

"Bundan əlavə, 5,2 mindən çox insan, o cümlədən 800 uşaq xəsarət alıb", - məlumatda qeyd olunub.