İsrail Hərbi Hava Qüvvələrinə məxsus pilotsuz uçuş aparatları (PUA) Livanın Hizbullah milislərinin silahlı birləşmələrinin yerləşdiyi cənub bölgələrinə hücum edib.
"Operativ Media" xəbər verir ki, bu barədə "Al Jadeed" telekanalı məlumat yayıb
Məlumata görə, Kafra kəndində pilotsuz təyyarənin yaşayış binasına endirilməsi nəticəsində 3 nəfər yaralanıb və təcili yardım maşını ilə xəstəxanaya aparılıb.
Bundan əvvəl İsrail PUA-ları Ayt əş-Şaab, Kfar Killa, Meys əl-Cəbəl və Hanin yaşayış məntəqələri yaxınlığındakı yer hədəflərinə raket zərbələri endirib. Mülki itkilər barədə məlumat verilmir.
