Ukraynada hərbi əməliyyatlara son qoyulması Gürcüstan, Avropa İttifaqı (Aİ) və ABŞ arasında münasibətlərin yaxşılaşmasına kömək edəcək.

"Operativ Media" xəbər verir ki, bunu Gürcüstanın Baş naziri İrakli Kobaxidze deyib.

"Mən əminəm ki, regional və qlobal vəziyyət yaxşılaşan kimi bu, Gürcüstanın Avropa İttifaqı və ABŞ ilə münasibətlərinin yaxşılaşmasına birbaşa təsir edəcək. Sülhə ehtiyac var və təbii ki, bu, ölkəmizin Aİ və ABŞ ilə münasibətlərinin yaxşılaşmasına töhfə verəcək amillərdən biri olacaq", - Kobaxidze Berlində gürcü jurnalistlərə bildirib.