Çin ABŞ-ı ölkəyə qoyulan investisiya məhdudiyyətlərini aradan qaldırmağa çağırıb

Çinə investisiyaları məhdudlaşdırmağı təklif edən ABŞ ticarət və iqtisadi əlaqələrdən silah kimi istifadə etməyi dayandırmalıdır. Vaşinqton bazar iqtisadiyyatının fəaliyyətini tənzimləyən qanunlara hörmət etməlidir.

"Operativ Media" xəbər verir ki, bu barədə Çin Ticarət Nazirliyinin məlumatında deyilir.

Çin tərəfi həmçinin ABŞ-ı ölkəyə qoyulan investisiya məhdudiyyətlərini aradan qaldırmağa və iki ölkə arasında ticarət-iqtisadi əməkdaşlıq üçün məqbul şərait yaratmağa çağırıb.

Pekinin Çin və ABŞ arasında mövcud vəziyyətdən narahat olduğu və cavab addımları atmaq hüququnu özündə saxladığı vurğulanır.