Avropa İttifaqı Macarıstana Rusiya Federasiyasının dondurulmuş aktivlərindən əldə edilən gəlirlərdən istifadə edərək Kiyevə silah alışına dair Macarıstanın vetosundan yan keçməyə imkan verəcək mexanizm üzərində işləyir.

"Operativ Media" xəbər verir ki, bunu Aİ-nin xarici işlər və təhlükəsizlik siyasəti üzrə ali nümayəndəsi Cosep Borrell bildirib.

Onun sözlərinə görə, daha əvvəl Rusiya aktivlərindən istifadə təklifini rədd edən Budapeşt onların istifadəsi ilə bağlı qərarda iştirak etməməlidir. Borrell vetodan yan keçmə mexanizminin hər hansı bir qanuni qərar kimi mürəkkəb, lakin işlək olacağını bildirib.

O qeyd edib ki, Aİ xarici işlər nazirləri bu planı iyunun 24-də keçiriləcək iclasda müzakirə edəcəklər.