BMT Təhlükəsizlik Şurası (TŞ) Dağıstanda törədilən terror aktını qəti şəkildə pisləyib. 

"Operativ Media" xəbər verir ki, bu barədə Təhlükəsizlik Şurasının mətbuata verdiyi bəyanatda deyilir.

"BMT Təhlükəsizlik Şurasının üzvləri iyunun 24-də Dağıstanda törədilən iyrənc və qorxaq terror aktını qəti şəkildə pisləyiblər", - deyə məlumatda bildirilir.

Sənəddə terror aktlarının icraçılarının, təşkilatçılarının və sponsorlarının məsuliyyətə cəlb edilməsi və ədalət qarşısında cavab vermələrinin zəruriliyi vurğulanıb: "Onlar (Təhlükəsizlik Şurasının üzvləri) bütün dövlətləri beynəlxalq hüquq və Təhlükəsizlik Şurasının müvafiq qətnamələrindən irəli gələn öhdəliklərinə uyğun olaraq, bu məsələdə Rusiya Federasiyası hökuməti, eləcə də digər aidiyyəti orqanlarla fəal əməkdaşlığa çağırıblar", - bəyanatda deyilir.