Türkiyə İrandan PKK-ya silah tədarükünü dayandırmağı tələb edib

Türkiyə İrandan ölkədə qadağan olunmuş Kürdüstan Fəhlə Partiyasına (PKK) silah verməkdən imtina etməyi və Ankaranın silahlı kürd qüvvələrinə qarşı hərbi əməliyyatına mane olmamağı tələb edib. 

"Operativ Media" xəbər verir ki, bu barədə “Yeni Şafak” qəzeti öz mənbələrinə istinadən məlumat yayıb.

Məlumatda bildirilib ki, keçən həftə Süleymaniyyədə (İraq) Türkiyə ilə İran arasında görüş keçirilib. İrandan PKK-ya tədarükün dayandırılması tələb edilib və terror təşkilatı ilə mübarizədə əməkdaşlıq təklif edilib.