Paşinyan Qara Dəniz İqtisadi Əməkdaşlıq Təşkilatının baş katibi ilə görüşüb

Nikol Paşinyan Qara Dəniz İqtisadi Əməkdaşlıq Təşkilatının baş katibi Lazar Komaneskunu qəbul edib. 

"Operativ Media" xəbər verir ki, bu barədə hökumətin informasiya və ictimaiyyətlə əlaqələr şöbəsi məlumat yayıb.

"Baş nazir qeyd edib ki, iyulun 1-dən Qara Dəniz İqtisadi Əməkdaşlıq Təşkilatına sədrlik edən ölkə kimi Ermənistan üzv dövlətlər arasında iqtisadiyyatın müxtəlif sahələrində əməkdaşlığın ardıcıl inkişafına önəm verir. Nikol Paşinyan təşkilatın regional əməkdaşlığın genişləndirilməsində rolunu vurğulayıb və əlavə edib ki, Ermənistan hökuməti nəqliyyat, enerji, telekommunikasiya və digər istiqamətlərdə əlaqələrin genişləndirilməsində maraqlıdır. 

Lazar Komaneskunun sözlərinə görə, onlar təşkilata sədrlik dövründə prioritetləri müəyyən etmək və həyata keçirmək üçün Ermənistan hökumətindən həmkarları ilə səmərəli müzakirələr aparıblar.

Həmsöhbətlər Ermənistan hökumətinin "Sülh yollarının kəsişməsi" layihəsi, Ermənistanda Şimal-Cənub magistralının tikintisi, regional iqtisadi əməkdaşlıqla bağlı məsələlər ətrafında fikir mübadiləsi aparıblar", - deyə məlumatda qeyd edilib.