Litva hava məkanını pozduğu üçün Rusiyaya nota verib

Litva hava məkanının pozulması ilə bağlı Rusiya səfirliyinin nümayəndəsinə etiraz notası təqdim edib.

"Operativ Media" xəbər verir ki, bu barədə Baltikyanı Respublikasının Xarici İşlər Nazirliyi məlumat yayıb.

"Hadisə iyunun 30-da Rusiyanın "Pobeda" aviaşirkətinə məxsus Moskvadan Kalininqrada uçan təyyarənin Baltik dənizi üzərindən Litvanın hava məkanına qanunsuz daxil olması və təxminən bir dəqiqə orada qalması ilə baş verib", - XİN-in bəyanatında deyilir. 

Litva tərəfi belə hadisələrə aydınlıq gətirilməsini və təkrarlanmamasını tələb edib.