İsraillilər erkən seçki tələbi ilə etiraz aksiyaları keçiriblər

İsraillilər səhər saatlarında yenidən ölkə boyu nümayiş keçirərək, hakimiyyətdən Qəzza zolağında saxlanılan girovları tez bir zamanda azad etməyi tələb ediblər. 

"Operativ Media" xəbər verir ki, bu barədə "Ynet" portalı yazır. 

Qeyd edilib ki, etirazçılar, o cümlədən 18 israilli nazir və parlamentarisinin evləri qarşısında toplanıb. 

Müdafiə Nazirliyinin rəhbəri Yoav Qalant və Xarici İşlər Nazirliyinin rəhbəri İsrael Katz da etirazların hədəfi olub. Onlar girovları azad etmək üçün mümkün qədər tez hərəkətə keçməyi tələb ediblər. 

"The Times of Israel" qəzeti xəbər verir ki, iyulun 7-də axşam saatlarında Təl-Əviv və Qüdsdə kütləvi etiraz aksiyaları planlaşdırılıb.