Ərdoğan: Pezeşkianın qələbəsindən sonra İranla münasibətlər sürətlənəcək

Türkiyə prezidenti Rəcəb Tayyib Ərdoğan prezident seçkilərində Məsud Pezeşkianın qələbəsindən sonra İranla münasibətlərin müsbət və intensiv inkişafını gözləyir. 

"Operativ Media" xəbər verir ki, bu barədə Ərdoğan Almaniyadan qayıdarkən jurnalistlərə açıqlamasında bildirib.

"Məsud Pezeşkian əslində Azərbaycan əsilli türkdür. Təbrizdə türkcə danışır, amma kürd bölgələrinə gələndə orada kürdcə danışa bilir. Farscanı da yaxşı bilir. Onunla əlaqə saxlayıb təbrik edəcəyəm. Ümid edirik ki, əlaqələrimiz inkişaf yönündə olacaq. Türkiyə ilə İran arasındakı münasibətlər gələcəkdə daha da yaxşılaşacaq", - deyə Ərdoğan qeyd edib.