Ərdoğan: Türkiyə Britaniyanın yeni Baş naziri ilə bütün məsələlərdə çalışacaq

"Türkiyə Böyük Britaniyanın yeni Baş naziri Key Starmer və onun hökuməti ilə ikitərəfli gündəliyin bütün məsələlərində işləmək və müsbət kursu təşviq etmək niyyətindədir". 

"Operativ Media" xəbər verir ki, bunu Türkiyə Prezidenti Rəcəb Tayyib Ərdoğan bildirib. 

Ərdoğan Türkiyə ilə Böyük Britaniya arasında münasibətlərin son dərəcə dərin tarixi köklərə malik olduğunu vurğulayıb: "Biz hakimiyyətdə olduğumuz müddətdə həm leyboristlər, həm də mühafizəkarların baş nazirləri ilə işləmişik. Əsas odur ki, iki ölkənin ümumi maraqlarına uyğun iş görək. Biz müttəfiqimiz İngiltərə ilə bütün sahələrdə əlaqələri inkişaf etdirməyə davam edəcəyik. Gündəliyimizdə mühüm məsələlər var ki, biz münasibətlərimizdə müsbət kursa keçmək və mövcud problemləri həll etmək niyyətindəyik".

Ərdoğan Starmeri qələbə münasibətilə təbrik etməyə hələ vaxtının olmadığını, lakin yaxın vaxtlarda bunu edəcəyini bildirib.