Avstraliya ABŞ istehsalı silahlar alacaq

Avstraliya hökuməti ABŞ istehsalı "Switchblade 300" sursatını almağa qərar verib.

"Operativ Media" xəbər verir ki, bu barədə ölkənin Nazirlər Kabineti açıqlama yayıb. 

"Avstraliya əsgərləri döyüşdə üstünlüyü təmin edəcək və Avstraliya Silahlı Qüvvələrində mövcud olan dronların arsenalını gücləndirəcək "Switchblade 300" dəqiq sursatı ilə təchiz ediləcək", - deyə açıqlamada bildirilib. 

Qeyd edilir ki, bu satınalma hökumətin ordunun missiyaları uğurla yerinə yetirmək və potensial rəqiblər üzərində üstünlüyünü qorumaq qabiliyyətini təmin etmək üçün onu ən son hücum və müdafiə silahları ilə təmin etmək öhdəliyini əks etdirir. Çatdırılmalar bu il başlayacaq, ilk "Switchblade 300" 2025-ci ildə istifadəyə veriləcək.

Əməliyyatın həcmi və dəyəri açıqlanmır. Avstraliya mediası yazır ki, bir "Switchblade 300" cihazının qiyməti 60-80 min dollardır.