NATO Kiyevə yeni maliyyə yardımları vəd edə bilər

Şimali Atlantika Müqaviləsi Təşkilatı (NATO) iyulun 9-11-də Vaşinqtonda keçiriləcək sammitində Ukraynaya yeni "maliyyə vədləri"ni elan etmək niyyətindədir.

"Operativ Media" xəbər verir ki, bunu ABŞ-nin NATO-dakı daimi nümayəndəsi Culian Smit təsdiqləyib.

Şimali Atlantika Alyansının sammitinin açılışı ərəfəsində "Foreign Policy" jurnalının Vaşinqtonda təşkil etdiyi tədbirdə çıxış edən diplomat bildirib: "Biz diqqətimizi Ukraynaya yönəltmişik və bu istiqamətdə irəliləyəcəyik. Ona görə də maliyyə vədlərini gözləyin". 

NATO sammiti Vaşinqtonda, Konvensiya Mərkəzində baş tutacaq.