Zelenski NATO sammitində iştirak etmək üçün Vaşinqtona gedib

Ukrayna Prezidenti Volodimir Zelenski və Ukraynanın birinci xanımı Yelena Zelenskaya iyulun 9-da Vaşinqtona səfər ediblər.

"Operativ Media" xəbər verir ki, Zelenski burada NATO sammitinə qatılacaq.

NATO sammiti başlamazdan əvvəl Zelenski həyat yoldaşı ilə Qolodomor qurbanlarının abidəsi önünə əklil qoyub və ABŞ-də Ukrayna ictimaiyyəti ilə görüşüb.

Şimali Atlantika Müqaviləsi Təşkilatının (NATO) yubiley sammiti iyulun 9-11-də baş tutacaq. NATO-nun əvvəlki sammiti 2023-cü ilin iyulunda Vilnüsdə keçirilib və burada alyans Ukraynanın Üzvlük Fəaliyyət Planı (MAP) olmadan alyansa üzv olmasını qəbul etmək qərarına gəlib.