Türkmənistan Trampa qarşı zorakılıq aktını pisləyib

"Türkmənistan ABŞ-nin 45-ci prezidenti Donald Trampın həyatına sui-qəsd xəbərini dərin narahatlıqla qarşılayıb". 

"Operativ Media" xəbər verir ki, bu barədə ölkənin Xarici İşlər Nazirliyinin mətbuat xidməti məlumat yayıb.

Xarici İşlər Nazirliyinin məlumatına görə, Türkmənistan tərəfi bu zorakılıq aktını qətiyyətlə pisləyir və Trampın tezliklə sağalmasını arzulayır.

"Türkmənistan terrorizmin bütün təzahürləri, eləcə də cəmiyyətdə gərginlik yaradan siyasi zorakılıq aktları ilə mübarizə üzrə beynəlxalq səylərin fəal iştirakçısıdır", - deyə departament əlavə edib.