Misir və Qətər Qəzza ilə bağlı razılığa gəlmək üçün səylərini davam etdirir

"Fələstinin HƏMAS hərəkatı ilə İsrail hakimiyyəti arasında dolayı danışıqlara vasitəçilik edən Misir və Qətər İsrailin yaratdığı maneələrə baxmayaraq, razılıq əldə etmək üçün səy göstərir".  

"Operativ Media" xəbər verir ki, bu barədə HƏMAS rəhbərliyinin nümayəndəsi bildirib.

"Misir və Qətər İsrailin müxalif siyasətinə baxmayaraq, Qəzzada atəşkəs və İsrailin təcavüzü ilə bağlı razılaşma əldə etmək üçün səylərini davam etdirir", - HƏMAS sözçüsü "Əl-Qahirə Əl-İxbariyyə" telekanalına bildirib. 

Onun sözlərinə görə, danışıqlar bir müddət əvvəl İsrail tərəfinin barışmazlığı və İsrailin danışıqları ləngitmək taktikası ucbatından dalana dirənib. 

Bundan əlavə, hərəkatın nümayəndəsi əlavə edib ki, İsrail Fələstin sektorunda münaqişənin həlli üçün son təklifin hüdudlarından kənara çıxan yeni şərtlər irəli sürür.