İspaniyada antiterror əməliyyatı zamanı 3 nəfər saxlanılıb

İspaniya Mülki Qvardiyası Kataloniya Muxtar İcmasında terror fəaliyyətində iştirakda şübhəli bilinən üç nəfəri saxlayıb.

"Operativ Media" xəbər verir ki, bu barədə EFE agentliyi məlumat yayıb.

Məlumata görə, həbslər Barselona əyalətində həyata keçirilib. Əməliyyat krallığın milli məhkəmə heyəti tərəfindən təsdiqlənib.

Hazırda İspaniya terror təhlükəsi səviyyəsini mümkün beşdən dördü elan edib. Bu ilin birinci yarısında İspaniyada 25 antiterror əməliyyatı həyata keçirilib. Ümumilikdə 38 nəfər saxlanılıb.