İtaliyada şiddətli istilər nəticəsində 4 nəfər ölüb

İtaliyada son iki gündə ölkədə davam edən həddindən artıq istilər səbəbindən dörd nəfər ölüb.

"Operativ Media" xəbər verir ki, bu barədə ANSA agentliyi məlumat yayıb.

Qeyd edilib ki, həftə sonu Bari yaxınlığındakı Giovinazzo çimərliyində 70 yaşlı bir kişi huşunu itirərək ölüb. 

Şənbə günü Puglia-nın cənub bölgəsindəki çimərliklərdə daha iki ölüm qeydə alınıb. Romada isə yaşlı bir kişinin istidən öldüyü bildirilib. 

Ümumilikdə İtaliyanın 11 şəhərində istilər səbəbindən qırmızı səviyyəli təhlükə elan edilib. Bu o deməkdir ki, istilər o qədər güclüdür ki, o, nəinki həssas əhalini təhdid edir, hətta aktiv, sağlam insanların sağlamlığı üçün də təhlükəlidir.

Proqnozlara görə, İtaliyada kəskin istilər ən azı ayın sonuna qədər davam edəcək.