Pakistanda terror aktı nəticəsində ən azı 8 əsgər həlak olub

Əfqanıstanla həmsərhəd olan Hayber Paxtunxva əyalətinin şimal-qərbində yerləşən Bannu rayonunda hərbi qarnizona terror hücumu nəticəsində Pakistan ordusunun 8 əsgəri həlak olub.

"Operativ Media" xəbər verir ki, bu barədə “Reuters” Müdafiə Nazirliyinə istinadən məlumat yayıb .

İyulun 15-də minalanmış avtomobildə kamikadze və bir qrup silahlı ekstremist, o cümlədən kamikadze hərbçilərin yerləşdiyi əraziyə daxil olub. Partlayıcı maddə olan avtomobilin güclü partlaması mülki vətəndaşların kazarmalarını və evlərini dağıdıb, onlardan 8-i yaralanıb. Terrorçularla döyüşdə azı 8 əsgər həlak olub, daha 12 əsgər isə yaralanıb. Hadisə yerində antiterror əməliyyatı davam edir.