Rumıniya ilin sonuna qədər F-35-lərin alınması üçün ABŞ ilə müqavilə imzalaya bilər

Rumıniyanın milli müdafiə naziri Angel Tylvar jurnalistlərə bildirib ki, Buxarest ilin sonuna qədər Vaşinqtonla F-35 qırıcıları almaq üçün müqavilə imzalamağı gözləyir. 

"Operativ Media" xəbər verir ki, bu barədə "defenceromania.ro" portalı məlumat yayıb. 

Məlumata görə, Rumıniya lazımi sənədləri göndərib və payızda Amerika tərəfdən cavab gözləyir. Prosedur qrafikə uyğun aparılarsa, müqavilə 2024-cü ildə imzalana bilər. Plana görə, ilk təyyarə təxminən 2030-cu ildə təhvil veriləcək.

Portal qeyd edib ki, sövdələşmənin təfərrüatları cavab alındıqdan sonra məlum olacaq, lakin artıq aydındır ki, söhbət Rumıniya tarixində silahlı qüvvələrin təchiz edilməsi üzrə ən bahalı proqramdan gedir. Proqram təxminən 6,5 milyard dollar dəyərində qiymətləndirilir.

Satınalmanın iki mərhələdə həyata keçiriləcəyi gözlənilir: əvvəlcə 32, sonra isə daha 16 təyyarə alınacaq.