Orban Aİ-ni Rusiya ilə diplomatik əlaqə kanallarını bərpa etməyə dəvət edib

Macarıstanın Baş naziri Viktor Orban Avropa İttifaqının rəhbərliyinə Ukraynadakı münaqişənin həlli üçün Rusiya ilə diplomatik əlaqə kanallarını bərpa etməyi təklif edib. Macarıstan hökumətinin başçısı həmçinin Ukrayna ilə bağlı beynəlxalq konfransın təşkili üçün Çinlə danışıqların aparılması təşəbbüsü ilə çıxış edib.

"Operativ Media" xəbər verir ki, Orban bu barədə Avropa Şurasının rəhbəri Şarl Mişelə məktubunda bildirib. 

"Mən aşağıdakı təkliflər üzrə müzakirələrə başlamağı təklif edirəm: Ukrayna ilə mövcud yüksək səviyyəli siyasi əlaqələri qoruyaraq, onunla birbaşa diplomatik əlaqələri yeniləyərək növbəti sülh konfransının təşkili şərtləri ilə bağlı Çinlə yüksək səviyyəli siyasi danışıqların aparılması təşəbbüsü; Transatlantik birliyin qlobal təcridinə səbəb olan Ukrayna müharibəsi ilə bağlı mövqeyimizə görə hörmətimizi itirdiyimiz qlobal Cənuba qarşı koordinasiyalı siyasi hücumun başlanması və siyasi kommunikasiyalarımızda oxşar birbaşa əlaqələrin bərpası", - məktubda qeyd olunub.