Pentaqon: İraqda ABŞ hərbçilərinin yerləşdiyi aviabaza PUA ilə vurulub

İraqda ABŞ qüvvələrinin yerləşdiyi Ayn əl-Əsəd hərbi hava bazası kamikadze pilotsuz uçuş aparatları ilə vurulub.

"Operativ Media" xəbər verir ki, bu barədə Pentaqonun mətbuat katibinin müavini Sabrina Sinq brifinqdə bildirib.

"İyulun 16-da iki kamikadze pilotsuz uçuş aparatı İraqdakı Ayn əl-Əsəd bazasında Amerika və koalisiya qüvvələrinə hücum edib. Bir PUA uğurla məhv edilib, ikincisi bazaya çatıb, lakin minimal ziyan vurub", - o deyib.