Fələstin bütün ölkələri İsraillə münasibətlərə yenidən baxmağa çağırıb

"Bütün ölkələr və Birləşmiş Millətlər Təşkilatı Beynəlxalq Ədalət Məhkəməsinin işğalla bağlı məsləhətçi rəyini nəzərə alaraq İsraillə münasibətlərinə yenidən baxmalıdır".

"Operativ Media" xəbər verir ki, bunu Fələstin Prezidentinin beynəlxalq əlaqələr üzrə xüsusi komissarı Riyad əl-Maliki jurnalistlərə deyib. 

O qeyd edib ki, BMT-nin Beynəlxalq Ədalət Məhkəməsi İsrailin işğal olunmuş Fələstin ərazilərində mövcudluğunu qanunsuz olaraq tanımaqla öz hüquqi və mənəvi öhdəliklərini yerinə yetirib: "İndi bütün dövlətlər öz öhdəliklərini ciddi şəkildə yerinə yetirməlidirlər. Bu o deməkdir ki, bütün ölkələr və BMT dərhal İsraillə ikitərəfli münasibətlərini nəzərdən keçirməlidir".