ABŞ bombardmançıları Finlandiya üzərində təlim uçuşu həyata keçirib

ABŞ Hərbi Hava Qüvvələrinə məxsus iki ədəd B-52 Stratofortress uzunmənzilli ağır bombardmançı təyyarəsi Finlandiya hava məkanı üzərində uçub. 

"Operativ Media" xəbər verir ki, bu barədə Finlandiya Müdafiə Qüvvələri məlumat yayıb.

Bombardmançılara iki Amerika KC-135 və bir KC-46 tanker təyyarəsi dəstək verib. Təyyarələr Norveçdən gəlib və Laplandiya vasitəsilə cənuba uçub.

Məlumatda bildirilir ki, uçuşlar təlim tədbirlərinin bir hissəsi olub.

Əməliyyat Finlandiyanın milli qanunvericiliyi və qaydalarına uyğun həyata keçirilib.