Pakistanın keçmiş Baş nazirinin həbs müddəti uzadılıb

Pakistanın Fiskal Məhkəməsi keçmiş Baş nazir və "Təhrik-e-İnsaf" müxalifət partiyasının qurucusu İmran Xan və həyat yoldaşı Buşra Bibinin qiymətli əşyaları mənimsəmək məqsədilə vəzifə səlahiyyətlərindən sui-istifadə etmə ittihamı ilə yeni istintaqı davam etdirmək üçün həbs müddətini 7 gün uzadıb. 

"Operativ Media" xəbər verir ki, bu barədə "The Express Tribune" məlumat yayıb. 

Məlumata görə, həbs müddətinin uzadılması hər iki təqsirləndirilən şəxsin iştirakı ilə keçirilən prosesdə elan edilib. İyulun 15-də onlar korrupsiya cinayətlərini araşdıran Milli Hesabatlılıq Bürosunun tələbi ilə səkkiz gün müddətinə həbs ediliblər. Yeni ittiham üzrə həbs ər-arvadın həbsxanada qalma müddətinin uzadılması üçün rəsmi səbəbdir və İslamabad məhkəməsinin iyulun 13-də onların Nikah Qanununu pozması ilə bağlı hökmü ləğv etməsindən sonra bu müddət başa çatmalı idi.