Qəzzada ölənlərin sayı artıb

İsrail hərbçilərinin Fələstinin Qəzza zolağının müxtəlif bölgələrinə hücumları nəticəsində bir gündə 80-dən çox insan həlak olub.

"Operativ Media" xəbər verir ki, bu barədə anklavın Səhiyyə Nazirliyi məlumat yayıb.

Məlumata görə, İsrailin son 24 saat ərzində Qəzzada keçirdiyi əməliyyatlar nəticəsində 84 nəfər həlak olub, 329 nəfər yaralanıb.

Səhiyyə Nazirliyinin məlumatına görə, 2023-cü il oktyabrın 7-dən bu yana Qəzzada ümumilikdə 39 min 90 nəfər həlak olub, 90 min 147 nəfər isə yaralanıb.