Yaponiya, Cənubi Koreya və ABŞ müdafiə sahəsində əməkdaşlıq haqqında memorandum imzaladı

Yaponiya, Cənubi Koreya və ABŞ-nin müdafiə nazirləri təhlükəsizlik sahəsində üçtərəfli əməkdaşlığa dair memorandum imzalayıblar.

Bu barədə "Operativ Media" “EFE”yə istinadən xəbər verir.

Məlumata görə, Yaponiya müdafiə departamentinin rəhbəri Minoru Kihara memorandumun imzalanması mərasimindən sonra bildirib ki, sənəd digər məsələlərlə yanaşı, bu kimi illik görüşlərin keçirilməsini də nəzərdə tutur. Onlar Şimali Koreyanın kütləvi qırğın silahlarının inkişafı proqramı haqqında məlumat mübadiləsini planlaşdırırlar.

Kihara qeyd edib ki, üç ölkənin nazirləri KXDR ilə Rusiya arasında əməkdaşlığın inkişafından narahat olduqlarını bildiriblər.

Növbəti görüşün 2025-ci ildə Seulda keçirilməsi planlaşdırılır.