İsrail Qəzzada məktəbə hücum edib, 10 nəfər həlak olub

İsrail qüvvələrinin Qəzzanın şərqindəki Şucayya bölgəsində yerləşən məktəb binasına hücumu nəticəsində azı 10 nəfər həlak olub. 

"Operativ Media" xəbər verir ki, bu məlumatı anklavın mülki müdafiə bölmələrinin nümayəndəsi yayıb.

Onun sözlərinə görə, məktəb binası və ətrafı zolağın digər ərazilərindən köçkün düşmüş fələstinliləri müvəqqəti yerləşdirmək üçün istifadə olunub.

Eyni zamanda, "Əl-Cəzirə" telekanalının məlumatına görə, 15 ərəb İsrailin Əl-Şucayyadakı məktəb binasına endirdiyi zərbənin qurbanı olub.