Çin Xarici İşlər Nazirliyi ABŞ-ni nüvə təhlükəsinin ən böyük mənbəyi adlandırıb

Çin Xarici İşlər Nazirliyi ABŞ-ni dünyanın ən böyük nüvə təhlükəsi və strateji risk mənbəyi adlandırıb.

"Operativ Media" xəbər verir ki, bu barədə Çin Xarici İşlər Nazirliyinin sözçüsü Mao Ning keçirdiyi brifinqdə bildirib.

O, həmçinin ABŞ-ni nüvə tərksilahına dair əsas məsuliyyətini vicdanla qəbul etməyə və nüvə arsenallarını azaltmağa, nüvə çəkindirmə və nüvə ittifaqlarını genişləndirməyi dayandırmağa, qlobal və regional sülh və sabitliyə xələl gətirən digər hərəkətlər etməməyə çağırıb.