Nigeriyada daşqınlar 28 nəfərin həyatına son qoyub

Nigeriyanın Bauçi əyalətində həddindən artıq yağışın səbəb olduğu daşqınlarda 28 nəfər ölüb.

Operativ media xəbər verir ki,  bu barədə ölkənin milli mətbuatda məlumat verilib.

Günlərdir davam edən həddindən artıq yağış Bauçi əyalətinin Qamava bölgəsindəki kəndlərdə daşqınlara səbəb olub. Daşqınlarda 28 nəfər həyatını itirib, çoxlu sayda insan yaralanıb. Təxminən 100 nəfər evlərini tərk edib.

Nigeriyanın Su Nazirliyi ölkənin bəzi bölgələrində güclü yağış və daşqınlarla bağlı xəbərdarlıq edib.