İsrail döyüş təyyarələri ilə Hizbullah hədəflərinə hücum edib

İsrail Hərbi Hava Qüvvələri Livanın cənubundakı Hizbullah hərəkatının hədəflərinə zərbələr endirmək üçün 100-ə yaxın döyüş təyyarəsi yerləşdirib.

"Operativ Media" xəbər verir ki, bu barədə İDF sözçüsü Daniel Həqari bildirib.

O, verdiyi açıqlamada zərbələr zamanı bir neçə min mərminin məhv edildiyini söyləyib.

"Hərbi-Hava Qüvvələrinin 100-ə yaxın qırıcısı minlərlə Hizbullah mərmisi konteynerinə hücum edib və məhv edib, onların əksəriyyəti ölkənin şimalına, bəziləri isə İsrailin mərkəzi hissəsinə yönəlib", - Həqari qeyd edib.

İDF həmçinin bildirib ki, hücumun bir hissəsi kimi Hizbullah İsrailin mərkəzini atəşə tutmaq niyyətində olub, lakin hücumun qarşısı hava hücumları ilə alınıb.