Bəlucistan əyalətində silsilə terror aktları nəticəsində azı 73 nəfər həlak olub.
"Operativ Media" xəbər verir ki, bu barədə Reuters agentliyi məlumat yayıb .
Qeyd edək ki, avqustun 25-i axşam saatlarında Bəlucistanda silsilə terror aktları başlayıb. Radikalların hədəfləri orduya çağırış məntəqələri, polis məntəqələri və vilayətin nəqliyyat infrastrukturu olub. Gün ərzində Mastunq, Kalat, Pasni, Suntsar, Sibi, Pəncqur, Turbat, Bela, Kvetta, eləcə də Qvadar şəhərlərində terror aktları qeydə alınıb. Hücumlara görə məsuliyyəti Pakistanda qadağan edilmiş Bəlucistan Azadlıq Ordusu öz üzərinə götürüb.
