FHN “28 May” metrosunda təlim keçirəcək

Fövqəladə Hallar Nazirliyi ilə “Bakı Metropoliteni” QSC metronun “28 May” stansiyasında “Bakı metropolitenində baş verə biləcək fövqəladə hadisələr zamanı fəaliyyətin təşkili” mövzusunda 30 avqust 2024-cü il, gecə saat 01:00 radələrində birgə taktiki təlim keçirəcək.

"Operativ Media" xəbər verir ki, bu barədə FHN-dən məlumat verilib.

Bildirilib ki, təlimə FHN-in xüsusi təyinatlı texnikaları və şəxsi heyəti cəlb olunub.