2023-cü ilin oktyabrında Fələstin-İsrail müharibəsinin başlamasından bu yana Qəzza zolağına ən azı 1 milyon 38 min 426 ton humanitar yardım daxil olub.

"Operativ Media" xəbər verir ki, bu barədə İsrail hökumətinin Fələstin ərazilərindəki fəaliyyətlərinin əlaqələndirilməsi idarəsi məlumat yayıb.

Məlumata görə, bunun 801 min tondan çoxu ərzaq məhsulları, 76 min tondan çoxu müvəqqəti yerləşdirmə mərkəzlərinin təşkili üçün avadanlıqlar, 51 min tondan çoxu su, 26 min tondan çoxu dərmanlar, 38 min tondan çoxu qarışıq humanitar yardımlar olub.