Almaniya XİN: İranın İsrailə ballistik raket hücumunu pisləyirik

Almaniya İranın İsrailə ballistik raket hücumunu pisləyib.

"Operativ Media" xəbər verir ki, Almaniyanın xarici işlər naziri Annalena Baerbok "X" sosial media platformasında paylaşım edib.

O, İranın İsrailə raket hücumunu pisləyib və İranın hücumu dərhal dayandırmalı olduğunu deyib.

“Biz İrana bu təhlükəli eskalasiya barədə təcili xəbərdarlıq etmişik. İran hücumu dərhal dayandırmalıdır. O, bölgəni uçurumun kənarına aparır”, - paylaşımda qeyd edilib.