Ağ Ev: ABŞ HDQ-nin gəmiləri İranın hücumunun dəf olunmasında iştirak edib

İran İsraildəki hədəflərə 200-ə yaxın ballistik raket atıb.

"Operativ Media" xəbər verir ki, Ağ Ev-dən bildirilib ki, ABŞ Hərbi Dəniz Qüvvələrinin gəmiləri hücumun dəf edilməsində iştirak edib.

Qeyd edilir ki, ABŞ İranın zərbəsi nəticəsində İsraildəki hərbi və ya strateji hədəflərdə hər hansı ölüm olması və ya zərər dəyməsi barədə məlumatlı deyil.

Ağ Ev bildirib ki, ABŞ İranın İsrailə hücumunu ciddi eskalasiya hesab edir və mümkün müvafiq, növbəti addımları öyrənir.