Ukrayna və Ermənistan xarici işlər nazirləri arasında görüş keçirilib

Ukraynanın xarici işlər naziri Andrey Sibiqa Varşavada Ermənistanın xarici işlər naziri Ararat Mirzoyanla görüşüb.

"Operativ Media" xəbər verir ki, bu barədə Ukraynanın xarici işlər naziri “X” platformasındakı paylaşımında bildirib.

"Mən Ermənistanın xarici işlər naziri ilə görüşdüm. Sülh Formulasını dəstəklədiyi üçün Ermənistana təşəkkür etdim. Biz builki siyasi məsləhətləşmələrimizi qiymətləndirdik və ikitərəfli münasibətlərimizin daha da inkişaf etdirilməsi yollarını müzakirə etdik”, - Sibiqa qeyd edib.

Andrey Sibiqa, həmçinin Ermənistanın xarici işlər naziri Ararat Mirzoyanı Ukraynaya səfər etməyə dəvət edib.