Ötən gün axşam saat 18:00 radələrində Ağcabədi rayon sakini Əhməd Həsənov "VAZ" markalı avtomobillə Beyləqan rayonunun Örənqala qəsəbəsi ərazisində hərəkətdə olarkən idarəetməni itirərək avtomobili aşırıb.

DİN-in Mətbuat Xidmətinin Bərdə regional qrupundan"Operativ Media"ya verilən məlumata görə, nəticədə sürücü Ə.Həsənov aldığı xəsarətlərdən hadisə yerində ölüb.

Faktla bağlı Beyləqan Rayon Polis Şöbəsində cinayət işi başlanılıb, araşdırma aparılır.