Türkiyədə kurortda baş verən yanğında ölənlərin sayı 79-a çatıb - FOTOLAR / YENİLƏNİB 5

Türkiyədə Kartalkaya dağ-xizək kurortunda baş verən yanğın nəticəsində ölənlərin sayı 79-a çatıb.

"Operativ Media" xəbər verir ki, bu barədə yerli prokurorluq məlumat yayıb.

“DNT testlərindən sonra yanğında ölənlərin sayı 79-a çatıb”, - kurortun yerləşdiyi Bolu vilayətinin prokurorluğundan bildirilib.

Bundan əvvəl 76 nəfərin öldüyü deyilirdi. Türkiyə Səhiyyə Nazirliyi yanğın zamanı xəsarət alan 51 nəfərdən 39-nun xəstəxanalardan evə buraxıldığını, 12 nəfərin müalicəsinin davam etdiyini açıqlayb.

Xatırladaq ki, Kartalkaya istirahət mərkəzində yanğın yanvarın 21-nə keçən gecə baş verib. Yanğın zamanı hoteldə ümumilikdə 238 qonaq olub. Türkiyədə yanvarın 22-si milli matəm günü elan edilib.

***

Türkiyədə hoteldə baş verən yanğında ölənlərin sayı 76-ya yüksəlib.

"Operativ media" xəbər verir ki, bunu Türkiyənin daxili işlər naziri Əli Yerlikaya bildirib.

Türkiyənin daxili işlər naziri bildirib ki, hadisə ilə bağlı 9 nəfər saxlanılıb.

***

17:44

Türkiyədə hoteldə yanğınla əlaqədar otel sahibi də daxil olmaqla 4 nəfər saxlanılıb.

"Operativ media" xəbər verir ki, bu barədə Türkiyə KİV məlumat yayib.

***

16:23

Türkiyədə hoteldə yanğın baş verib, 66 nəfər ölüb, 51 nəfər yaralanıb.

"Operativ media" xəbər verir ki, bunu Türkiyənin daxili işlər naziri Əli Yerlikaya bildirib.

Onun sözlərinə görə, yanğın söndürülüb, soyutma işləri davam edir.

09:58

***

Türkiyədə Bolu bölgəsində yerləşən Kartalkaya xizək kurortu ərazisindəki hotellərdə baş verən yanğında 10 nəfər ölüb, 32 nəfərin isə yaralanıb.

"Operativ Media" xəbər verir ki,bu barədə Türkiyə KİV məlumat yayıb.

***

09:18

Türkiyədə Bolu bölgəsində yerləşən Kartalkaya xizək kurortu ərazisindəki hotellərdən birində yanğın baş verib.

"Operativ Media" xəbər verir ki, yanğın nəticəsində 3 nəfər ölüb, 21 nəfər yaralanıb.

Vəfat edənlərdən ikisi hündürlükdən atladıqları üçün ölüb.