Heyvanlara rəhimsiz rəftar ölümə səbəb olarsa, həmin şəxs 1 ay inzibati həbs ediləcək

Hazırda heyvanlara rəhimsiz davrananlara qarşı verilən cəzalar kifayət qədər sərtləşib.

"Operativ Media" xəbər verir ki, bu sözləri Ekologiya və Təbii Sərvətlər Nazirliyi Hüquq və İnsan Resursları Şöbəsinin müdiri Aynurə Kərimova deyib.

Əvvəlki qanunvericiliyimizə əsasən, heyvanlara rəhimsiz davranıldıqda və həmin heyvanın tələf olmasına səbəb olan şəxs 500 AZN cərimələnirdi. Amma hazırda bu qanun dəyişdirilib. Artıq insanlar başa düşməlidirlər ki, heyvanlara rəhimsiz davranıldıqda və həmin heyvanın ölümü ilə nəticələndikdə, bu zaman həmin şəxs 1 ay müddətində inzibati həbs ediləcək.

O, sonda qeyd edib ki, yeni qanunvericilik bu halların qarşısını almaqda kifayət qədər müsbət təsir göstərəcək.