Azərbaycan Respublikasının Mərkəzi Seçki Komissiyası (MSK) Seçki Məcəlləsinin müvafiq maddələrinə əsaslanaraq bəzi dairə seçki komissiyası üzvlərinin vaxtından əvvəl vəzifədən azad olunması barədə qərar qəbul edib.

Operativ Media xəbər verir ki, MSK-nın qərarına əsasən, Təravət Əlövsət qızı Rəsulova və Taleh Məhəmməd oğlu Həsənov 42 saylı Sumqayıt birinci seçki dairəsi, Zöhrab Qeysəddin oğlu Səfərov 58 saylı Xaçmaz kənd seçki dairəsi və Teymurlan Yunis oğlu Eyyubov 108 saylı Ağstafa seçki dairəsi dairə seçki komissiyalarının həlledici səs hüquqlu üzvləri vəzifəsindən vaxtından əvvəl azad olunublar.

Qərar Seçki Məcəlləsinin 19.4, 19.14, 22.3.1, 28.2 və 28.4-cü maddələrinə əsasən qəbul edilib.