İranda məhkəmə binasına silahlı hücum nəticəsində 6 nəfər ölüb, 22 nəfər yaralanıb - YENİLƏNİB

İranın Sistan-Bəlucistan əyalətinin Zahidan şəhərində məhkəmə binasına silahlı hücum nəticəsində ölənlərin sayı 6-ya çatıb.

Operativ Media xəbər verir ki, bu barədə “Tasnim news” agentliyi məlumat yayıb.

Bundan başqa, 22 nəfərin yaralandığı bildirilir.

Həlak olan və yaralananların əksəriyyəti mülki şəxslərdir, onların arasında bir qadın və bir uşaq da var.

***

10:25

Naməlum silahlı şəxslər İranın Sistan-Bəlucistan bölgəsinin Zahidan şəhərində yerləşən məhkəmə binasına hücum ediblər.

Operativ Media bu barədə İran mediasına istinadən xəbər verir.

Bildirilib ki, hadisə yerinə təhlükəsizlik qüvvələri və təcili tibbi yardım maşınları cəlb olunub.